Dakdanak on do na hupangido uju i, gabe dibasabasahon Jahowa tu ahu na pinangido ni rohangku sian Ibana (1 Samuel 1:27)Boi do marragam pangantusiaon dohot pangauhonon nijolma taringot tu tangiang. Boi do martangiang jolma tu Debata laho papuashon holso ni roha/arsak na, boi do laho mangido gogo, boi do laho manjalo pangurupion, boi nang laos patuduhon las ni rohana, jala boi do laos mangido angka na ringkot di ngoluna, dohot lan naasing. Laos hombar tusi marragam do nang motivasi ni jolma laho martangiang, martangiang jolma laho mangido na ringkot di ngoluna sambing, boi do laho manangianghon halak na asing jala laos boi do martangiang jolma laho patulushon sangkap ni Debata di ngoluna.
Na pasti di dok Debata do di Jakobus 5:16b ”Na margogo situtu do tangiang ni partigor, molo dihaburjuhon” Suang songoni do nang di Rom 12 :12 didok ”marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang!” Molo tapaihutihut turpuk on dipatuduhon do benget ni roha si sada parompuan ima si Hanna ni alap ni si Elkana. Tung mansai marsak jala jut do rohana ala hol do bortianna dibahen Jahowa (ayat 5). Disituasi na songoni, sai disungguli jala digitihi si Penina imbangnai do si Hanna. Pola do gabe marsak situtu roha ni si Hanna gabe sai tumatangis jala dang olo mangan. Mansai menarik do hamu angka dongan turpuk manogot on ala disituasi na mansai borat, disituasi na mansai jut roha ni si Hanna ndang mandele ibana alai baliksa do tahe ”saluhut arsak ni rohana, jut ni rohana di aluhon ibana holan tu Jahowa huhut tumatangis situtu. Jala laos sungkunsungkun na mansai arga do on tu hita na pungu dison: disituasi naborat, na gok hamaolon di tongatonga ni keluarga, di lingkungan, parsingkolaan nang di parkarejoan, tu dia do hita papuashon arsak ni rohanta??
Dipapuas si Hanna do saluhut na borat di ngoluna tu Jahowa (Yahwe Zebaoth) (Allah semesta alam). Namarlapatan Huaso ni Debata na so terbatas na mampu mangalehon pasupasu na so halompoan. Ido ianggo pemahaman ni si Hanna taringot tu Debata, alani i do dijugulhon ibana martangiang huhut manghirim. Ditangihon Debata do tangiang nai. Memang di tingki martangiang i ibana ndang laos disi boti dipasahat Debata pangidoannai alai adong do proses na. Laos disi ma dipatuduhon ”tindakan Allah tidak tergantung pada apa yang manusia rasakan atau pikirkan”. Nang pe ndang pintor dialusi Debata dope tangiang ni si Hanna alai ibana sandiri nunga mangadopi perubahan. Paling tidak arsak ni roha nunga salpu sian ibana. Kalimat "penantian itu membosankan", rupa-rupanya tidak berlaku bagi Hana. Kuncina holan sada do ima adong haporseaon ni Ibana tu Debata, alni i do dipapuas ibana saluhut arsak ni rohana tu Debata, ima Debata haroroan ni panghirimon na mangolu. Molo tabereng di ayat 19 tarida ma disi sikap ni Debata tu haporseaon ni si Hanna i, ima diingot Jahowa do nasida. Tarida ma disi ”Allah menyelesaikan rencana-Nya secara bertahap, termasuk rencana Allah mengabulkan permintaan Hana. Allah menjawab permohonan Hana dengan menghadirkan Samuel.
Marhite pangidoan ni si Hanna jala laos dipatulus Debata pangidoannai, boi ma putihonta mutiha na arga nalaho sihangoluhononta, ima:
1. Ndang hea ditutup Debata simalolongNa dohot sipareonNa tu angka pangidoan ni angka namanghaporseai Ibana. Alani i ndang jadi muramura hita menilai Debata naso tumangihon pangidoanta alai dipangido do hita marbenget ni roha jala manghirim. Alani i tadapothon ma Debata jala tatingganghon ma sude holso ni rohanta.
2. Isi tangiang ni si Hanna berorientasi tu kepentingan Allah, bukan kepada kepentingan pribadi. Dipatuduhon ibana doi marhite namamelehon si Samuel ianakhon haholongan nai gabe ulaula ni Debata di bagas joroNa. Alanii disoarahon Debata do tu hita asa mamilangmilangi hita di angka silehonlehon ni Debata dingolunta on. Tudia do tabahen parpeak ni si lehonlehon ni Debatai?
3. Ditangihon jala dialusi Debata do sude angka pangidoan ni naporsea di Ibana sasuai tu sangkap ni Debata. Olo do hita marungutungut ala so pintor dialusi Debata tangiangta hape ndang taboto adong 3 na ringkot taringot tu alus ni tangiang sian Debata: 1. Olo (langsung dilehon na tapangido i). 2. Olo alai paima jolo (dituntut ada kesabaran dari kita) 3. Olo alai ndang i (artinya kita meminta sesuatu tetapi allah memberikan yang lain karena Dia pasti lebih tahu apa yang kita perlukan).
Tung mansai godang do pasupasu na nilehon ni Jahowa tu si Hanna alai ndang gabe mantak ginjang ni roha dibahen ibana, baliksa tahe gabe dalanna laho mamuji Debata. Boi do idaontai ditangiang ni si Hanna (1 Sam 2: 1-36), disi idaonta ma panindangionna taringot tu hasintongan dohot angka pambahenan ni Debata na sun denggan. Alani i tabilangbilangi ma jo angka pasupasu naung tajalo sian Debata. Molo marsiajar hita mamilangmilangi angka silehonlehon ni Debata salelengon tontu sahali ingkon maila ma hita. Boasa? Ala humurang hita laho manghamuliatehon dohot mamuji Ibana. Jotjot do hita holan namarungutungut jala hurang porsea hita tu hinaburju ni Debata. Hape molo tasadari jala tabilangbilangi tung mansai godang situtu do angka na denggan na binahen ni Debata, alani mulai sadarion pingkir jala bilangbilangi ma pambahenan ni Debata di ngolum.
0 komentar:
Posting Komentar